Me barazimin pa gola ndaj Dukagjinit të shtunën, Liria nga Prizreni edhe zyrtarisht në edicionin tjetër do të jetë në Ligën e Parë.
Skuadra e Prizrenit, pavarësisht afrimeve të shumta, nuk ia doli të performonte në mënyrën më të mirë. Pas 30 ndeshjeve në Superligë, ka vetëm 10 pikë. Ka shënuar veç një fitore.
Liria u ngjit në Superligë sezonin e kaluar, por nuk rezistoi më shumë se një vit në elitën e futbollit të Kosovës.
Skuadra nga Prizreni ka hasur në vështirësi të shumta viteve të fundit, të cilat kryesisht i ka kaluar në Ligën e Parë.
Është ekip me emër në futbollin e Kosovës. Ka një titull dhe dy Kupa të fituara.