Cape Town City ka kompletuar transferimin e Prins Tjiuezas nga Liria.
Klubi prizrenas njoftoi zyrtarisht këtë të premte për arritjen e marrëveshjes me klubin nga Afrika e Jugut.
Sipas njoftimit, Liria ka përfituar 65 mijë dollarë nga shitja e 21-vjeçarit.
Kubi nga Prizreni ka mbajtur gjithashtu 10% të kartonit të reprezentuesit të Nambisë.
Njoftimi i plotë nga klubi i Lirisë (pa ndërhyrje):
“Prins Tijueza kalon te Cape Town City
Futbollisti më i mirë i Lirisë, Prins Tjueza, i ka dhënë fund karrierës në Kosovë, përkatësishtë te FC Liria.
Namibiani që shkëlqeu për një vit e gjysmë, tashmë ka nënshkruar me ekipin e Premierligës nga Afrika e Jugut.
“Tijueza nga sot është lojtar i Cape Town City nga Afrika e Jugut.E falenderojmë për kontributin dhe i urojmë suksese”, ka thënë Valon Osmani, kryetar.
Liria, nga shitja përfiton 65 mijë dollarë dhe 10% nga shitja e ardhshme e tij.
Tijueza, ka lënë gjurmë në Kosovë, derisa me Kombëtaren e vetë, Namibinë u kualifikua tutje në Kupën e Afrikës”.