Festim Alidema është përforcimi më i ri i klubit prizrenas, Liria.
Ish-futbollisti i Llapit kishte qenë në negociata për të kaluar në futbollin turk, por i dështoi transferimi. Kështu që ai vendosi të qëndrojë në Superligën e Kosovës dhe iu bashkua Lirisë.
Stinorin e kaluar Alidema luajti 38 ndeshje në të gjitha garat për Llapin dhe shënoi shtatë gola e asistoi 12 tjerë. Ai gjatë karrierës luajti edhe për skuadrat si Vllaznia, Slaven Belupo, HRV Dragovoljac, Drita e Llapi.