Liverpooli i drejtuar nga trajneri Arne Slot e ka humbur ndeshjen e parë pas 24 ndeshjeve rresht pa disfatë.
Të mërkurën mbrëma, Tottenhami fitoi ndaj Liverpoolit 1:0, në ndeshjen e parë të gjysmëfinales së parë të Kupës së Ligës.
Në minutën e gjashtë pa ndjenja në fushë ra mesfushori uruguaian i vendësve, Rodrigo Bentancur. Pas nëntë minutave ku iu dha ndihma mjekësore, Bentancur u largua me oksigjen nga fusha, por tani është i vetëdijshëm dhe ka folur. Por, tretmanin mjekësor do ta vazhdojë edhe më tutje.
Gola nuk pati në pjesën e parë, ndërsa pjesa e dytë ishte më dinamike.
Pedro Porro e humbi mundësinë më të mirë në minutën e 56-të për Tottenhamin. Tentimin e parë të tij e bllokoi kapiteni Virgil van Dijk, pas gabimit të portierit Alisson Becker.
Në tentimin e dytë, Porro gjuajti jashtë.
Tottenhami shënoi më pas në minutën e 76-të me Dominic Solanken. Goli u anulua pas rishikimit të situatës në VAR.
Njoftimi nga gjyqtari kryesor Stuart Attwell u dëgjua nga i gjithë stadiumi dhe kjo ndodhi për herë të parë.
Vendësit nuk u dorëzuan dhe shënuan me mesfushorin suedez, Lucas Bergvall.
Ai shënoi me asistim të Solankes.