Skuadra e Liverpoolit e ka nisur me fitore edicionin e ri në Premier League. Të shtunën Liverpooli e mposhti Ipswich Townin me rezultatin 2:0. Ndeshja u zhvillua në stadiumin “Portman Road”, dhe i takoi javës së parë të elitës së futbollit anglez.
Të dy golat e Liverpoolit u shënuan në pjesën e dytë.
Portugezi, Diogo Jota në minutën e 60-të realizoi për 1:0. Pesë minuta më pas, sulmuesi egjiptian, Mohamed Salah e shënoi golin e dytë dhe të fundit në ndeshje. Portieri i Kosovës, Arijanet Muriq, nuk ishte i pranishëm në lojë tek Ipswich Towni.
Për trajnerin holandez, Arne Slot, ishte fitorja e parë zyrtare e arritur në krye të shtabit teknik tek Liverpooli.
Ndeshjen e ardhshme, Liverpooli do ta ketë ndaj Brentfordit më 25 gusht.