Liverpooli ka shpërthyer në pjesën e dytë për fitore të madhe në Ligën e Kampionëve.
Të mërkurën mbrëma në kuadër të xhiros së pestë, Liverpooli fitoi 2:0 ndaj Real Madridit në “Anfield”.
Kështu skuadra e madhe angleze vazhdonë ecurinë shumë pozitive me trajnerin e ri Arne Slot.
Liverpooli është lider në Premier League dhe po ashtu në Champions.
Pas xhiros së pestë i ka 15 pikë. Është skuadra e vetme, prej 36 gjithsej, që ka fituar të gjitha ndeshjet e fazës së ligës.
Alexis Mac Allister shndërroi në gol një aksion të bukur të Liverpoolit në minutën e 52-të. Menjëherë më pas Real Madridi fitoi penallti. Por gjuajtjen e Kylian Mbappes nga pika e bardhë e ndali portieri i Liverpoolit, Caoimhi Kelleher. Më pas penallti fitoi Liverpooli.
Mohamed Salah u ndal në mënyrë të palejuar dhe mori përgjegjësinë për të gjuajtur penalltinë. Por topi preku anën e jashtme të shtyllës, në minutën e 70-të.
Golin e dytë Liverpooli e shënoi në minutën e 77-të. Një krosim të Andy Robertson e shfrytëzoi maksimalisht rezervisti Cody Gakpo.
Liverpooli ka fituar pas një kohe shumë të gjatë ndaj Real Madridit, përkatësisht pas 15 vjetësh.
Kampioni në fuqi, Madridi është vetëm në pozitën e 24-t, përkatësisht në pozitën e fundit që dërgon tutje