Sulmuesi i krahut, Albion Miftari është futbollisti i radhës që klubi i Llapit ka vendosur ta ketë me kontratë profesionale.
Talenti 17-vjeçar i rritur në Akademinë e futbollit Llapi është ‘blinduar’ me kontratë 3-vjeçare.
“Paraqitjet e mira të Miftarit në kategoritë e reja kanë bërë që klubi t’i ofroj kontratë profesionale dhe ta ketë atë në mesin e futbollistëve premtues që klubi pret që në të ardhmen e afër të jenë pjesë e ekipit senior.
17-vjeçari është futbollist me cilësi të jashtëzakonshme, teksa paraqitjet e tij janë vëzhguar në vazhdimësi nga Shefi i shtabit teknik, Tahir Batatina dhe Drejtori Sportiv, Mentor Zhdrella.
Si klub, jemi të kënaqur që futbollistët e talentuar si Albion Miftari do jenë me kontratë profesionale dhe do japin kontributin e tyre për klubin bardhekaltër.
Të priftë e mbara në vazhdim me ngjyrat e klubit të qytetit Albion”, ka shkruar FC Llapi. /Ballkani.info