Komisioni i Garave i Federatës së Futbollit të Kosovës ka iniciuar në komisionin disiplinor skuadrën e Llapit dhe futbollistin e saj Besar Musolli.
Llapi shkon në disiplinor për shkak që tifozët e saj në ndeshjen me Ballkanin gjatë gjithë ndeshjes në kor e kanë ofenduar skuadrën mysafire. Ndërsa Musolli për shkak të kartonit të kuq.
Njoftimi i plotë i FFK-së:
Komisioni i Garave i Superligës, Ligës së Parë dhe Superligës U21, në mbledhjen e mbajtur me 21.05.2024, ka diskutuar për regjistrimin e ndeshjeve të xhiros së 35-të të Albi Mall Superligës dhe ndeshjeve të xhiros së 27-të të Raiffeisen Ligës së Parë Grupi A dhe B në futboll për edicionin 2023/2024. Pas shqyrtimit komplet të materialit të siguruar nga zyrtarët e ndeshjeve, bazuar në nenin 70 të Rregullores së Garave, si dhe dispozitave të Rregullores Disiplinore, mori këto:
V E N D I M E
1.Regjistrohen ndeshjet e xhiros së 35-të të Albi Mall Superligës dhe ndeshjeve të xhiros së 27-të të Raiffeisen Ligës së Parë Grupi A dhe B në futboll për edicionin 2023/2024 me rezultatet e arritura në fushë.
2.Bazuar në raportet e delegatëve, kontrollorëve, zyrtarëve të FFK-së si dhe të dhënat nga protokollet zyrtare të ndeshjeve, lidhur me rregullsinë e fillimit, zhvillimit dhe përfundimit të ndeshjeve, Komisioni i Garave pas administrimit të të gjitha materialeve dhe shkresave të prezantuara, incizimeve televizive, raporteve të personave zyrtarë të FFK-së si dhe mediave vendosi për:
Inicime disiplinore:
Ndaj: FC ”Llapi”. Motivi: Tifozët vendas prej fillimi dhe deri në përfundimin e ndeshjes ofendojnë në kor ekipin mysafit të Ballkanit, ndërkaq në minutat 1, 42 dhe 74, hudhin mjete piroteknike tymuese dhe shurdhuese në fushën e lojës. Sipas raportit të delegatit të ndeshjes Llapi-Ballkani.
Ndaj: Lojtarit të FC ”Llapi”, Besar Musolli nr fan 23 dhe nr ID 020561M89. Motivi: Në min 95+ndërhyrje e rrezikshme në lojtarin kundërshtar, për çka është ndëshkuar me karton te kuq direkt. Sipas raportit të gjyqtarit kryesor të ndeshjes Llapi-Ballkani. /GazetaSport