Skuadra e Llapit të shtunën e ka zyrtarizuar mbrojtësin që ka nënshtetësi turke dhe daneze, Yalin Kilic.
18-vjeçari ka nënshkruar kontratë njëvjeçare me klubin e Llapit.
“Ne kemi kënaqësinë t’ju prezantojmë Yalin Kilicin si prurjen më të re në mbrojtje të ekipit tonë. Yalin vjen tek ne si një futbollist me potencial për të ardhmen e klubit. Me potencial të madh dhe aftësi të dukshme, ai ka bindur shtabin teknik që të jetë pjesë e klubit për sezonin 2024/25. Ne e presim që shpejt të shohim ndikimin tënd pozitiv në fushën e lojës dhe kontributin tënd të vlefshëm për të ardhmen e Llapit”, ka shkruar Llapi në rrjetet sociale.
Kilic së fundmi ishte pjesë e skuadrës nga Danimarka, Naestved Boldklub U19.