Kanë përfunduar dy ndeshjet e sotme në Superligën e Kosovës në futboll.
Llapi ka shënuar fitore me rezultat 1:2 ndaj Fushë Kosovës.
Ekipi i drejtuar nga Tahir Batatina e gjeti veten në disavantazh, por arriti të përmbyste rezultatin dhe ta arrinte fitoren e dytë radhazi në kampionat.
Llapi tani ka gjashtë pikë pas tri ndeshjeve në pozitën e katërt, kurse Fushë Kosova është e fundit ende pa pikë.
Pa gola u mbyll dueli tjetër mes Dukagjinit dhe Lirisë.
Ekipi nga Klina e shijoi pikën e parë këtë edicion, kurse Liria të dytën.