Llapi i drejtuar nga Tahir Batatina e ka shënuar fitoren e parë këtë edicion në Superligën e Kosovës në futboll.
Llapjanët mposhtën Vushtrrinë me rezultat të thellë 4:0 në “Liman Gegaj” në Malishevë, në kuadër të xhiros së pestë të elitës kosovare të futbollit.
Llapjanët shënuan dy gola në pjesën e parë dhe dy të tjerë në pjesën e dytë për fitoren e parë.
Në pjesën e parë golat i shënuan Arbnor Ramadani dhe Fiton Ademi.
Ramadani e shënoi golin e epërsisë 1:0 në minutën e 17-të, kurse Ademi shënoi për 2:0 në minutën e 36-të.
Pas një ore lojë, Llapi, shënoi golin e tretë.
Realizator i golit të tretë ishte Arianit Hasani, kurse golin që vulosi fitoren e thellë 4:0 e shënoi Mërgim Cërnavërni në minutën e 90-të.
Për Llapin ishte fitorja e parë, ndërsa Vushtrria mbetet pa pikë.