Skuadra e Llapit edhe pse tashmë duhet pranuar që është jashtë objketivave pasi ka humbur garën për Evropë por edhe në Kupën e Kosovës, ajo vazhdon të punojë fuqishëm për edicionin e ri, shkruan GazetaSport.info.
Llapi përmes një postimi në Facebook ka njoftuar se skuadrës i është bashkuar në stërvitje kapiteni Benjamin Emini. Ai mbeti jashtë fushës së gjelbër për një kohë të gjatë pasi lëndoi ligamentet e gjurit dhe u desh të operohet. Rikuperimi ka shkuar sipas parashikimeve dhe tash Emini ka nisur stërvitjet.
“Kapiteni Benjamin Emini, pas afro 4 muajsh mungesë, sot ka filluar fazën e rikuperimit final para rikthimit në fushën e blertë.
Emini kishte pësuar rupturë të ligamentit kryqëzor ACL me ç’rast në janar të këtij viti u desht t’i nënshtrohej operimit.
Kapiteni ynë pritet që t’iu rikthehet ndeshjeve me skuadrën nga fillimi i edicionit të ri 2023/24 që fillon në gusht”, ka shkruar KF Llapi. /GazetaSport.info
