Klubi i futbollit Llapi ka njoftuar largimin e mesfushorit, Hamdi Namani. Në njoftimin e klubit thuhet se kontrata është prishur me marrëveshje të dyanshme.
“Edhe pse kontrata ishte e vlefshme për sezonin e ardhshëm, klubi dhe futbollisti janë dakorduar për mbyllje të parakohshme të bashkëpunimit”, shkruan në njoftimin e Llapit.
Namani iu bashkua Llapit para fillimit të edicionit 2023/2024. Sipas njoftimit, Namani me Llapin ka luajtur 77 ndeshje, ndërsa ka shënuar tetë gola dhe ka kontribuar me shtatë asistime.