Skuadra e Llapit pas një dite pushimi dhe një seance stërvitore të mbajtur dje në fushën sintetike në Dumosh, sot ka zhvilluar seancën stërvitore në fushën natyrale “Ferki Aliu” në Vushtrri.
“Drejtuesit e klubit u janë mirënjohës drejtuesve të klubit FC Vushtrria që pa hezitim pranuan që edhe kësaj radhe skuadra jonë të stërvitet në fushën e tyre në prag të sfidës në udhëtim tek Trepça ’89, e vlefshme për javën e 29 të Albi Mall Superligës”, ka shkruar Demokracia.com.
Skuadra pritet që edhe nesër dhe pasnesër të stërvitet në Vushtrri dhe të ambientohet me fushën natyrale, kurse të shtunën do të udhëtoj drejt Mitrovicës për përballjen me Trepçën ’89.