Skuadra e Llapit të hënën e ka zyrtarizuar mesfushorin Arian Ramadani. 18-vjeçari me Llapin ka nënshkruar kontratë pesëvjeçare. Ramadani së fundmi ishte pjesë e skuadrës së dytë të klubit nga Austria, Amstetten. Karrierë ka bërë edhe në disa klube austriake te të rinjtë e LASK-ut, Blau-Weiss Linzit dhe ASKO Oedtit.
“Llapi me kënaqësi komunikon angazhimin e mesfushorit ofensivë, Arian Ramadani, i cili do jetë pjesë e klubit me kontratë profesionale për pesë vitet e ardhshme. 18-vjeçari rikthehet nga Austria për t’iu bashkuar Llapit, pasi që ka vendosur t’i tregoj cilësitë e tij fillimisht në Kosovë e më pas nga Llapi sikurse futbollistët tjerë perspektiv edhe në ndonjë kampionat të madh evropian”, ka shkruar Llapi.