Landrit Rama është përforcimi më i ri i skuadrës së Llapit.
26-vjeçari vjen nga Vushtrria dhe rrit kualitetin e ekipit në qendër të mbrojtjes së skuadrës së tahir batatinës, derisa ai me Llapin ka nënshkruar kontratë tre vjeçare.
“KF Llapi njofton për transferimin e mbrojtësit të qendrës, Landrit Rama për 3-vitet e ardhshme.
Drejtuesit e klubit dhe futbollisti kanë gjetur gjuhën e përbashkët për bashkëpunim dhe kësisoji Rama nga ky sezon do jetë pjesë e rëndësishme e klubit.
Rama është bashkuar me klubin dhe ka përfunduar gjitha përgatitjet para-sezonale, teksa do jetë i gatshëm të paraqitet qysh nga ndeshja e parë për Kupë ndaj Trepçës ’89.
“Jam shumë i lumtur që kam nënshkruar me Llapin. Pas interesimit të klubit në veçanti Drejtorit Sportiv, Mentor Zhdrella dhe kryetrajnerit Tahir Batatina, nuk e kisha fare të vështirë të vendos. Të gjithë në klub më kanë pritur jashtëzakonisht mirë si trajnerët, stafi dhe bashkëlojtarët për çka u jam falenderues. Objektivat e klubit janë të qarta, klubi ka synim trofetë dhe unë jam i gatshëm t’iu shërbej ngjyrave bardhekaltër në arritjen e këtyre objektivave”, ka deklaruar Rama për faqen zyrtare të klubit.
Rama është transferimi i parë i klubit në afatin kalimtar të janarit, i cili u prezantua nga Drejtori Sportiv, Mentor Zhdrella që i ka uruar mirëseardhje dhe shumë suksese në vazhdim”, ka shkruar KF Llapi në Facebook. /Ballkani.info