Vendimi i KAS-it i para disa ditë kur tha se FFK padrejtë nuk e ka licencuar FC Prishtinën për garat ndërkombëtare, ka hapur debate të mëdha në opinionin sportdashës në vendin tonë.
Ka qenë vetë Eroll Salihu, si kryetar i KAS-it që ka folur për shumë shkelje në Federatë, por ndaj kësaj deklarate ka reaguar analisti Ardian Llumnica në SportShow, kur tha se Salihu ka bërë vetëm një padi dhe atë për pagën e tij.
Sipas Llumnicës, kjo tregon se kemi të bëjmë me një qytetar të pandershëm, pasi ai kur ka informata se ka shkelje në institucion është dashur t’i vardistë paditë e jo të bëjë padi vetëm për vete kur është prekur ne xhep.
“Ajo që më la përshtypje është deklarata e Eroll Salihut, që tha se asnjëherë nuk kanë bërë padi ndaj Federatës ose individit përveç në rastin e tij të shkëputjes të kontratës. Nëse tërë vitin deklarohesh se në federatë ka krim, ka ‘alleshveresh’ dhe nuk i drejtohesh gjykatës me i padit ata indivitë nuk je qytetar i ndershëm. Unë do ta bëjë kjo.
Si një qytetar i ndershëm ai është dashur t’i vardistë paditë në gjykatë e jo të bëjë padi vetëm kur atij nuk iu pagua paga”, ka thënë Llumnica. /GazetaSport