Suspendimi i tre futbollistëve të Kombëtares së Kosovës, Arjanet Muriç, Edon Zhegrova dhe Florent Muslija, ka hapur debat të gjerë në opinionin kosovar.
Një i tillë është zhvilluar edhe mbrëmë në emisionin “Sport show”, ku protagonistë ishin gazetari Arlind Sadiku dhe opinionisti Ardian Llumnica.
Sadiku, ka thënë se nuk e beshtes veprimin e futbollistëve por sipas tij, selektori është dashur t’i mbyll sytë dhe ta mbajë në heshtje këtë skandal.
“Më mirë do të ishte që selektori ta mbajë të mbyllur, dhe këta lojtarë mos t’i suspendojë dhe t’i mbajë në bankinë”.
Me këtë deklaratë nuk është pajtuar Llumnica, duke thënë se një skandal i tillë nuk mbahet i mbyllur.
“Më këtë nuk pajtohem, si të mbahet e mbyllur kjo çështje. A dëshiron ta bëjmë kombëtaren “Big Brother” dhe çdo kush të bëjë çfarë të dojë. Nuk ka asnjë individë para kombëtares. Këta djem e kanë shkel rregulloren dhe selektori ka marrë masa ndaj tyre. Ai ka qenë i prerë dhe ka kërkuar nga Federata t’i largojë këta. Është vendim ekskluziv i Franco Fodas. Foda është selektor i madh dhe nuk lejon kësi gjëra”, ka thënë Llumnica, derisa Sadiku i është përgjigjur se ka informacione ndryshe se Foda nuk e ka marrë këtë vendim.
“Sa i përket rregullores po ta lexoj qysh e trajton saktë situatën:: ‘Dalja në klube nate, dy ditë para një lojë, konsiderohet shkelje e disiplinës pasi kjo ndikon negativisht në përgatitjen fizike dhe mendore të lojtarit. Nëse kjo ndodh, futbollisti mund të përjashtohet apo edhe të dënohet’, kjo është rregullorja. Të njëjtën e ki në FSHF, të njëjtën e ki në Federatën e Maqedonisë të njëjtën e ki në Federatën e Malit të Zi”, ka thënë Llumnica. /GazetaSport