Sulmuesi Agon Sadiku starton te Finlanda në ndeshjen miqësore ndaj Suedisë. Ndeshja zhvillohet në Portugali prej orës 19:45. Sadiku 19-vjeçar në nëntor luajti dy ndeshje për Kosovën A. Por ndërkohë ka vendosur që të luaj për Finlandën.
Ai është grumbulluar në një kamp në Portugali dhe selektori Markku Kanerva e ka vendosur në përbërjen bazë.
Madje ia ka dhënë fanellën me numër 10. Te Suedia në stol është Edvin Kurtulush, një tjetër lojtar që ishte te Kosova. Në fakt Kurtulush ishte kapiten i Kosovës U21, ndërsa refuzoi ftesën e përfaqësueses A për t’u grumbulluar me Suedinë. Si te Finlanda ashtu edhe te Suedia janë grumbulluar shumë futbollistë që janë kandidatë për përfaqësuese. Kurtulush në fakt po ftohet rregullisht.