Futbollisti Shkëlzen Lushtaku është larguar nga skuadra e Drenicës pas 23 vjetësh. Këtë e ka bërë të ditur Lushtaku në rrjetet sociale.
Ai ishte prej futbollistëve më në formë edicionin e kaluar te Drenica. Me Drenicën siguroi kthimin në Superligë. 35-vjeçari luan kryesisht mbrojtës i krahut të djathtë.
“Me zemër të mbushur plot krenari dhe emocione, po shkruaj këto fjalë për klubin që ishte dhe do të mbetet gjithmonë pjesë e shpirtit tim. Kam qenë krenar që isha pjesë e Drenicës dhe sot largohem nga fusha si një njeri i lumtur, sepse largohem si kampion. Faleminderit të gjithë presidentëve të klubit për besimin dhe mbështetjen”, ka shkruar futbollisti me përvojë.