Fituesi i Kupës së Botës me Argjentinë, Mac Allister tregon për takimin e parë që ka pasur me yllin argjentinas, Lionel Messi.
Ai zbulon se i janë dridhur duart gjatë përshëndetjes.
“Isha shumë nervoz, duart më dridheshin”, ka thënë Mac Allister për “B/R Football”.
“Unë jam një djalë i turpshëm, kështu që isha vërtet nervoz. Por, atëherë e kuptova se sa i përulur është ai. Në atë kohë unë luaja për Boca Juniorsin dhe u takuam në miqësoren që e zhvilluam kundër Spanjës. Ai ishte duke darkuar. Shkova në tavolinë dhe thashë përshëndetje me duart e mia që dridheshin. Isha djersitur. Por, ishte një moment i mahnitshëm. Ai është idhulli im. Ai është futbollisti më i mirë në botë”, ka thënë Mac Allister.
Mesfushori i Brightonit me Argjentinën që nga viti 2019 ka luajtur 14 ndeshje. Ka shënuar një gol.