FC Malisheva ka njoftuar se ka kompletuar transferimin e Laurent Xhylanit.
Klubi malishevas nuk zbuloi detaje, por bëri të ditur se futbollisti ka nënshkruar kontratë afatgjate.
Xhylani te Malisheva u transferua nga Drenasi.
Njoftimi i plotë nga FC Malisheva (pa ndërhyrje):
“Kompletojmë marrëveshjen për transferimin e 𝗧𝗢𝗣 𝗧𝗔𝗟𝗘𝗡𝗧𝗜𝗧 𝗟𝗔𝗨𝗥𝗘𝗡𝗧 𝗫𝗛𝗬𝗟𝗔𝗡𝗜
FC Malisheva konfirmon arritjen e marrëveshjes për transferimin e Top Talentit Laurent Xhylani nga KF Drenasi. Klubi njofton se ka nënshkruar kontratë afatgjate me njërin nga talentët më premtues në Futbollin Kosovar.
Laurenti edhe pse një talent i ri, është transferimi i së tashmes e po ashtu edhe i së ardhmes së klubit.
Mirë se vjen në FC Malisheva Laurent!”.