Mallorca e Vedat Muriqit ka pësuar disfatë në udhëtimin e vështirë në Andaluzi nga Sevilla.
Sevilla të shtunën mbrëma e fitoi ndeshjen e xhiros së 21-të të elitës spanjolle të futbollit me rezultatin 2:0.
Të dy golat u shënuan në pjesën e parë.
Youssef En Nesyri shënoi në minutën e 28-të, kurse Bryan Gil, vulosi epilogun final të takimit, pesë minuta para pushimit.
Mallorca mbetet me 28 pikë në 21 ndeshje, kurse Sevilla tani ka 24 pikë.
Vedat Muriqi, sulmuesi shtatlartë i Kosovës, kompletoi një tjetër ndeshje për Mallorcan.