Manchester City e ka fituar lehtësisht ndeshjen derbi ndaj Arsenalit.
E cilësuar si sfida që mund të vendosë titullin në Angli, nuk i ngjau fare një derbi të shumëpritur nga futbolldashësit.
Manchester City e dominoi totalisht Arsenalin, duke fituar në fund me rezultat të thellë, 4:1, në kuadër të javës së 33-të.
Belgu, Kevin De Bruyne ishte ylli i mbrëmjes me dy gola dhe një asist.
Kevin De Bruyne në të shtatën dhe Stones në minutat shtesë të pjesës së parë i dhanë epërsinë e dyfishtë më se të merituar ekipit të drejtuar nga Pep Guardiola.
Edhe pjesa e dytë vazhdoi pothuajse njëjtë.
Kevin De Bruyne e vulosi një mbrëmje fantastike të tij, duke realizuar golin e tretë për ekipin dhe të dytin të tijin personal sonte në minutën e 54-të.
Krejt çfarë bënë mysafirët, ishte goli i nderit i realizuar në minutën e 86-të nga Holding.
Erling Haaland nuk mungoi në listën e golashënuesve, duke shënuar në minutën e pestë shtesë.
Përveç golit, sulmuesi norvegjez dhuroi edhe dy asiste për De Bruynen.
Me këtë fitore, tani Manchester City shkon në kuotën 73 pikëve, dy më pak se Arsenali që momentalisht prin në tabelë.
Por, “Citizens” kanë edhe dy ndeshje më pak të zhvilluara. Në rast se i fiton ato, do të shkonte në katër pikë më shumë se “Topçinjtë”.