Formati i ri i UEFA Champions League mbylli fazën e saj të ligës, me shumë surpriza që u rezervuan deri në momentin e fundit të kësaj faze.
8-shja e skuadrave të kualifikuara direkt ishin: Liverpool, Barcelona, Arsenal, Inter, Atl. Madrid, Bayer Leverkusen, Lille dhe Aston Villa.
Nga ana tjetër, shumë ekipe të mëdha si Bayern, Real, Milan, PSG, Man City do të ndeshen në fazën play-off.
Në bazë të formatit të ri, shorti i 31 janarit rezervon spektakël në këtë fazë, me skuadra të mëdha që do të ndeshen me njëra-tjetrën.
Një nga Reali ose Bayerni do të ndeshet kundër Manchester Cityt, ndërsa tjetrës do t’i buzëqeshë fati dhe do të ketë përballë Celtic.
Një tjetër sfidë që mund të ndodhë është Juventus-Milan, shkruan tch.
Nëse goglat tregohen te “mëshirshme”, atëherë kuqezinjtë do të luajnë kundër Feyenoord, ndërsa bardhezinjtë kundër PSV.
Sa i përket PSG, kampionët e Francës mund të kenë një derbi me Monacon ose me Stade Brest.
PËRBALLJET:
Atalanta/Dortmund – Sporting/Club Brugge
Real M./ Bayern M. – Celtic/ Man. City
Milan/PSV – Feyenoord/Juventus
PSG/Benfica – Monaco/Brest