Manchester United ka pësuar humbje në shtëpi ndaj Bournemouthit, në ndeshjen e vlefshme për javën e 16-të në Premierligë.
Ndeshja e zhvilluar në “Old Trafford” përfundoi me rezultatin e pastër 0:3.
Mysafirët shënuan një gol në pjesën e parë e dy të tjera në të dytën, për të arkëtuar pikët e plota.
Dominic Solanke (5’), Philip Billing (68’) dhe Marcos Senesi (73’) shënuan golat e fitores për “Qershitë”.
Bournemouthi pas kësaj fitore ka 19 pikë dhe ndodhet në pozitën e 13-të në tabelë.
Manchester United mbetet me 27 pikë dhe renditet i gjashti në tabelë.