Manchester United nuk ka arritur ta ruajë epërsinë prej dy golave nga pjesa e parë për të marrë një fitore në udhëtim ndaj Tottenhamit.
“Djajtë e Kuq” barazuan 2:2 me Spurs, në kuadër të javës së 33-të në Premierligë.
Jadon Sancho kaloi mysafirët në epërsi në minutën e shtatë të ndeshjes.
Një minutë para fundit të pjesës së parë, Marcus Rashford e dyfishoi epërsinë e Unitedit.
Por, pjesa e dytë ishte e kundërta e asaj që ndodhi në të parën.
Tottenhami u hodh me të gjitha forcat në sulm për të kërkuar të paktën barazimin. Dhe atë edhe e gjeti.
Fillimisht Pedro Porro ngushtoi epërsinë në minutën e 56-të.
Një kombinim mes Kane dhe Son rezultoi me gol të këtij të fundit që barazoi shifrat.
Me këtë barazim, Manchester United mbetet në pozitën e katërt me 60 pikë, kurse Tottenhami i gjashti me 54.