Manchester United ka shënuar fitore me rezultat 3:1 ndaj Evertonit, në kuadër të 1/32 së finales së FA Cup.
Antony kaloi “Djajtë e Kuq” në epërsi qysh në minutën e katërt të ndeshjes.
10 minuta më pas, Coady arriti të barazonte rezultatin për ta çuar ndeshjen me barazim në pushimin mes pjesëve.
Në minutën e 52-të, pikërisht Coady shënoi autogol, për t’i dhënë epërsinë Manchester Unitedit.
Evertoni arriti të shënonte sërish nëpërmjet Calvert-Lewin, por goli u anulua pas shikimit në VAR për pozicion jashtë loje.
Krejt në fund të ndeshjes, Manchester United e shënoi edhe golin e tretë, kur Rashford e shndërroi në gol penalltinë.
Kësisoj, “Djajtë e Kuq” kualifikohen në fazën e 1/16 së finales së Kupës FA, kurse rrugëtimi i Evertonit në këtë kompeticion merr fund sonte.