Manchester United ka shënuar fitore minimale 1:0 ndaj West Hamit në kuadër të javës së 14-të në Premierligë.
Goli i vetëm i fitores për “Djajtë e Kuq” erdhi në minutën e 38-të kur Rashford realizoi me kokë, pas harkimit nga Christian Eriksen.
Më pas ndeshja nuk prodhoi gola, por përkundër kësaj ishte mjaft interesante.
West Ham u përpoq deri në fund të shënonte golin e barazimit, por De Gea bëri pritje fantastike për ta mbajtur portën e paprekur.
Me këtë fitore, tani Manchester United shkon në kuotën e 23 pikëve në vendin e pestë, tetë më pak se lideri Arsenal.
Në anën tjetër, West Ham mbetet i 13-ti me 14 pikë të grumbulluara.