Sivasspori është rikthyer te fitorja në Superligën e Turqisë, teksa Rey Manaj po vazhdon me formën e lart.
Sivasspori triumfoi sot minimalisht 1:0 ndaj Besiktasit, në ndeshjen e vlefshme për javën e 23-të.
Golin e vetëm dhe të fitores për vendasit e shënoi Manaj, në minutën e gjashtë.
Për sulmuesin shqiptar ishte ky goli i tij i 11-të në elitën e futbollit turk, duke qenë kështu një nga golashënuesit më të mirë në Turqi.
Manaj luajti për 90 minuta në këtë përballje.
Te Besiktasi tërë ndeshjen e luajti Milot Rashica, por që nuk ia doli të linte gjurmë.
Sivasspori pas kësaj fitore ka 29 pikë dhe tani renditet në pozitën e dhjetë në tabelë.
Besiktasi është i katërti me 36 pikë. /Gazeta Express/