Nga një gol i shënuar nga mesfushori Rodri dhe sulmuesi Julian Alvarez, i kanë mjaftuar Cityt të marrë pikët e plota nga dueli i së shtunës kundër Sheffield Unitedit.
City i drejtuar nga Pep Guardiola fitoi me rezultatin 2:0 në shtëpi, në kuadër të xhiros së 20-të të Premier Leagues.
Mesfushori Rodri shënoi golin e parë në minutën e 14-të, ndërsa për 2:0, Alvarez realizoi në minutën e 61-të.
City me këtë fitore ngjitet në pozitën e dytë me 40 pikë, aq sa ka edhe Arsenali.
Kanë dy pikë më pak se Liverpooli lider.
Sheffield Unitedi mbetet i fundit me 9 pikë.