Përleshja e pabesueshme mes sulmuesve të Bayern Munichut, Sadio Mane dhe Leroy Sane natyrisht se do të lë pasoja.
Sulmuesi senegalez e grushtoi atë gjerman pas ndeshjes me Manchester Cityn, me ç’rast ky u konsiderua si njëri prej skandaleve më mëdha të kohëve të fundit.
E në stërvitjen e sotme u panë që të dy sulmuesit, natyrisht larg njëri-tjetrit.
Sipas “Sky Sports”, të dy futbollistët i kanë kërkuar falje njëri-tjetrit para krejt futbollistëve.
Në Gjermani, ndërkohë, të gjithë e presin një pozicion nga kryesia e klubit, e cila është mbledhur mbrëmë, bashkë me lojtarët, për të vendosur se çka do të bëjë.
Mane pritet të gjobitet e me gjasë edhe të suspendohet për një kohë.
Aventura e ish-futbollistit të Liverpoolit deri tash në “Allianz Arena” ka qenë për t’u harruar.