Qendërmbrojtësi i Romës, Marash Kumbulla është ndarë tejet i lumtur me fitoren e rëndësishme ndaj Real Sociedadit.
Shqiptari shënoi golin e fitores dy minuta pa përfunduar koha e rregullt, me Romën që tani ka një avantazh prej dy golave para ndeshjes kthyese që zhvillohet javën tjetër.
Pas ndeshjes, për mediat italiane është prononcuar edhe Kumbulla, që tha se ka ëndërruar të shënonte para tifozëve.
“Moment i papërshkrueshëm. Gjithnjë ka qenë ëndrra ime që të shënojë para tifozëve. Kisha shënuar, por nga veriu (përballë tifozëve kundërshtarë), prandaj kjo ishte ndryshe. Shpresoj që goli im të shërbejë për ndeshjen kthyese. Rezultat i mirë“.
Mbrojtësi përgëzoi tërë skuadrën për paraqitjen mbresëlënëse duke i falënderuar edhe tifozët për fitoren e madhe.
“Nga e tërë skuadra, nuk ishin vetëm mbrojtësit ose mesfushorët por edhe sulmuesit na dhanë një dorë të mirë, kuptohet edhe tifozët. Është e pamundur të mos japësh gjithçka me këta tifozë“.
Ai bëri me dije se do të vazhdojë të punojë shumë në mënyrë që të fitojë vendin nën urdhrat e Jose Mourinhos.
“Gjithnjë punoj shumë. Ky jam unë, gjithmonë provoj të jap gjithçka në fuqi dhe dobësi. Jam tejet i lumtur“.
Kujtojmë, ndeshja kthyese ndërmjet Real Sociedadit dhe Romës zhvillohet në Spanjën të enjten tjetër.