Portieri Yassine Bounou ishte sigurisht ndër protagonistët e Botërorit të Katarit në Marok.
Portieri ishte ndër më të mirët e turneut në skuadrën marokene dhe në përgjithësi dhe humbja ndaj Francës në gjysmëfinale nuk ia prish aspak paraqitjet e shkëlqyera. Në njëfarë kuptimi, lojtari ishte një yll edhe pas ndeshjes.
Pas humbjes në gjysmëfinale ndaj Francës, portieri është intervistuar nga media të ndryshme dhe kur ka ardhur koha për të folur për kanalin zyrtar të FIFA-s, djali i tij, të cilin po e mbante në krahë, është bërë protagonist i një skene shumë argëtuese…
Me sa duket, djali e ngatërroi mikrofonin e purpurt me një akullore dhe e lëpiu disa herë. Bounou nuk ka mundur ta ndalojë fëmijën, duke krijuar një moment që është bërë viral në rrjetet sociale.
Për mediat e tjera, portieri i Marokut komentoi rezultatin e ndeshjes: “Bëmë një lojë të shkëlqyer, por nuk arritëm të realizonim ëndrrën tonë për të arritur në finale.
“Ne jemi krenarë për përparimin tonë dhe dua të falënderoj të gjithë shokët e ekipit për angazhimin e tyre pavarësisht problemeve të tyre fizike. Urime Francës për fitoren, goli i tyre i parë e bëri detyrën tonë më të komplikuar, por ne luajtëm mirë.”