PSG-ja ka triumfuar ndaj Brest me rezultatin 1:2, në duelin e javës së 27-të të Ligës 1 franceze. Një sfidë emocionuese që u vendos nga goli i Kylian Mbappe në minutën e 90-të.
Pjesa e parë u mbyll me shifrat 1-1, teksa Soler zhbllokoi fillimisht duelin me golin e realizuar në minutën e 37-të, ndërkohë në të 43-tën, ishte Honorat që vendosi baraspeshën për vendasit.
Për golin e fitores skuadra e Galtier, duhet të priste minutën e 90-të, kur Mbape, pas asistim të Mesit, arriti të tundte rrjetën.
Ky ishte triumfi i katërt radhazi në kampionat për kryesuesit e PSG-së, që tashmë e shohin veten 10 pikë larg Marsejës së vendit të dytë që ka një ndeshje më pak. Në sfidën e radhës PSG-ja e yjeve do të presë Ren në shtëpi.