Sulmuesi Kylian Mbappe do të jetë futbollist i Real Madridit prej edicionit të ardhshëm. “Marca” ka bërë të ditur të martën se në afatin kalimtar të janarit, Mbappe do të firmosë parakontratë me Realin pasi marrëveshja mes palëve tashmë është arritur.
Me firmosjen e parakontratës, Mbappe do t’i bashkohet Realit verën e ardhshme si futbollist i lirë kur edhe i skadon kontrata me Paris Saint-Germainin.
Mësohet se Reali do t’i paguajë Mbappes 250 milionë për të mbuluar pagat e tij dhe bonusin e firmosjes së parakontratës.
Sulmuesi francez ka refuzuar rinovimin e kontratës me Parisin që i skadon vitin e ardhshëm dhe te Reali do të jetë përforcimi i madh për edicionin 2024/25.