Kylian Mbappe ka fituar betejen e parë ndaj PSG-së, ku ka kërkuar 55 milionë euro për pagat e papaguara nga klubi parisien.
Komisioni i Apelit i Ligës Franceze (LFP), ka lënë në fuqi vendimin që urdhëron Paris Saint-Germain ti paguajë Kylian Mbappes 55 milionë euro.
Kampionët e Ligue 1 kanë thënë se kontrata e Mbappé ishte “ndryshuar ligjërisht” dhe se ai refuzoi angazhimet kur u largua nga klubi për t’iu bashkuar gjigantëve spanjollë Real Madrid gjatë afatit kalimtar të verës.
PSG tha muajin e kaluar se Mbappé, 25 vjeç, kishte refuzuar një ofertë nga LFP për të ndërmjetësuar për këtë çështje.
Komisioni i Përbashkët Kombëtar i Apelit i LFP dëgjoi palët më 15 tetor dhe njoftoi të premten se kishte vendosur në favor të Mbappé.
“Klubi duhet t’i paguajë atij pagën që ai kërkon. Ky vendim nuk është objekt apelimi, por mund t’i referohet Komitetit Ekzekutiv të FFF [Federatës Franceze të Futbollit],” i tha LFP Reuters.
Megjithatë, PSG tha se do të “detyrohet ta çojë çështjen para gjykatave kompetente” ndërsa ende përpiqet të gjejë një “zgjidhje miqësore” me Mbappé, i cili u bë golashënuesi më i mirë i të gjitha kohërave të klubit francez gjatë qëndrimit të tij shtatëvjeçar në kryeqytet