Kylian Mbappe ka shënuar gol në minutën e 89-të për fitoren e vështirë të Paris Saint-Germainit. Të dielën, PSG-ja fitoi 3:2 në udhëtim ndaj Brestit.
Warren Zaire-Emery kaloi në epërsi parisienët në minutën e 16-të. Në minutën e 28-të për 2:0 shënoi Kylian Mbappe.
Por Bresti u kthye.
Steve Mounie ngushtoi rezultatin në 2:1, ndërsa Jeremy Le Douaron shënoi për 2:2 në minutën e 52-të.
Megjithatë Mbappe me golin e dhjetë të edicionit ia siguroi pikët Parisit.
Ndeshja i takoi xhiros së dhjetë të Ligue 1. Parisi është i dyti me 21 pikë, një më pak se Nice.
Bresti është i gjashti me 15 pikë.
