Kylian Mbappe dhe Real Madridi kanë marrëveshje të finalizuar dhe madje edhe të firmosur. Kështu të paktën ka shkruar gazeta e madhe spanjolle, Marca, të hënën. Sipas Marcas, marrëveshja është firmosur dy javë më parë dhe në bazë të saj, ylli francez do të jetë lojtar i Real Madridit nga 1 korriku.
PSG-ja ka bërë përpjekje të mëdha e të vazhdueshme për ta mbajtur Mbappen, por sulmuesi ka qenë i vendosur të transferohet te Real Madridi. Mbappe, sipas gazetës spanjolle, ka kërkuar nga Parisi që mos t’i bëjë oferta të tjera.
Raportohet që Mbappe ka firmosur me Real Madridin për pesë vjet. Klubi mbretëror ka shumë vjet që insiston për transferimin e francezit.