Mbërrin dënimi përjetë për presidentin e Ankaragucu, Faruk Koca, i cili të hënën në mbrëmje, pas një goli që pësoi në kohën shtesë ekipi i tij në ndeshjen e Superligës kundër Rizespor, ai hyri në fushë dhe goditi gjyqtarin Umut Meler me shkelma dhe grushta.
Gjithashtu është pezulluar edhe klubi me 5 ndeshje pa tifozë, duke filluar që nga ndeshja kundër ekipit të Ankarasë dhe një gjobë prej rreth 60 mijë eurosh, saksione këto nga Federata Turke e Futbollit.
Pas episodit shumë të rëndë Koca dha dorëheqjen nga presidenca e klubit. “Sido qoftë shkalla e padrejtësisë apo akteve të paligjshme, nuk mundi të shpëtojë sepse asgjë nuk mund të legjitimojë apo shpjegojë dhunën e ushtruar nga unë”, – shkruan numri një i klubit turk në një deklaratë. “Gjithashtu do të doja të njoftoja tifozët se kam dhënë dorëheqjen nga posti im si president i Ankaragücü në mënyrë që të parandaloj që klubi, tifozët dhe familja ime të pësojnë dëme të mëtejshme”. Të gjitha ndeshjet e kampionatit turk janë pezulluar deri më 19 dhjetor.