Kombëtarja e Shqipërisë do të zhvillojë sonte ndeshjen e fundit në kuadër të kualifikimeve për Kampionatin Evropian “Euro 2024”.
Kombëtarja shqiptare ka siguruar një vend në Evropianin e vitit të ardhshëm, teksa sonte synon që të sigurojë kualifikimin si e para e grupit.
Përveç fitores, sigurisht se “Kuqezinjve” u mjafton edhe një pikë sonte për të shkuar në Evropian si e para e grupit.
“Panorama” ka publikuar fotografi nga brenda stadiumit, i cili po mbushet çdo minutë e më shumë – teksa edhe atmosfera nuk po mungon.
