Facebook
    GazetaSport
    • Futboll vendor
    • Futboll ndërkombëtar
    • Sporte tjera
    • ShowSport
    • Fun
    Facebook
    GazetaSport
    Mbyllet me këtë rezultat miqësorja Shqipëri – Arabi
    Futboll ndërkombëtar

    Mbyllet me këtë rezultat miqësorja Shqipëri – Arabi

    26/10/2022 18:56
    Facebook Twitter Pinterest LinkedIn Tumblr Email

    Shqipëria ka barazuar 1-1 me Arabinë Saudite në miqësoren e luajtur sot në “Al Nahyan Stadium” të Abu Dabit. Kuqezinjtë e mbyllën pjesën e parë në disavantazh, ndërsa në pjesën e dytë Bekim Balaj realizoi golin e barazimit. Trajneri Edoardo Reja e nisi ndeshjen me këtë formacion: Elhan Kastrati, Erdenis Gurishta, Eneo Bitri, Rudolf Turkaj, Albion Marku, Esat Mala, Ardit Deliu, Arbnor Muçolli, Andi Hadroj, Sokol Cikalleshi dhe Redon Xhixha.

    Pjesa e parë ka qenë thuajse e barabartë dhe e ekuilibruar e luajtur më shumë në mesfushë me shumë pak raste për shënim të shfrytëzuara nga të dyja skuadrat. Një nga momentet kulmore për kuqezinjtë ka ardhur në minutën e 31-të nga këmbët e Redon Xhixhës, i cili arrin të dalë vetëm me portierin, por në momentin e fundit nuk arrin ta dërgojë topin në rrjetë.

    Arabët janë me fat kur në minutën e 43-të një gjuajtje nga distanca ndalet brenda zonës nga mbrojtësi Bitri dhe për gjyqtarin është penallti pasi ka parë prekje të topit me dorë. Nga e pika e bardhë godet sulmuesi Saleh Khalid Alshehri, i cili realizon gol dhe kalon në avantazh Arabinë Saudite. Portieri Kastrati gjen krahun, por nuk ndalon të ndalë gjuajtjen e fortë me topin që përfundon në portë.

    Në nisje të pjesës së dytë trajneri Edoardo Reja ka bërë shumë zëvendësime duke hedhur në fushë Bekim Balaj, Gentian Selmani, Odise Roshi, Mario Mitaj, Sherif Kallaku, Arinaldo Rrapajdhe Xhuliano Skuka. Me të nisur loja Shqipëria gjen shumë shpejt golin e barazimit me Bekim Balaj që finalizon bukur një pasim të Odise Roshit, duke shënuar golin e 1-1.

    Në minutën e 58-të Shqipëria kishte një shans të mirë për gol me Xhuliano Skukës, që pësoi një ndërhyrje të parregullt në zonë, por gjyqtari është i mendimit se nuk është penallti. Në minutat në vijim Shqipëria vijon të luajë mirë duke krijuar volum loje, ndërsa në minutën e 78-të hyn në fushën e lojës edhe Lorenco Vila me trajnerin Reja që aktivizoi thuajse të gjithë lojtarët e ftuar. Deri në fund rezultati nuk ndryshon dhe miqësorja mbyllet në barazim 1-1.

    TË LIDHURA

    F1, Norris fiton garën kaotike në Britani

    06/07/2025 18:50

    Dalin në shitje biletat për ndeshjen Malisheva – Vikingur

    06/07/2025 18:03

    Motra e Ronaldos shpjegon arysen pse portugezi mungoi në varrimin e Diogo Jotas

    06/07/2025 16:52

    Courtois mbron Donnarumman pasi i theu këmbën Musialas: As sulmuesit nuk mendojnë të na godasin në fytyrë

    06/07/2025 16:02
    IMPRESSUM

    Your source for the sport

    Type above and press Enter to search. Press Esc to cancel.