Ka përfunduar pa fitues ndeshja derbi e Superligës së Kosovës në futboll. Ndeshja e luajtur të enjten në Suharekë në mes të Ballkanit dhe Dritës ka përfunduar me rezultatin 1:1.
Dy golat e ndeshjes derbi u shënuan në pjesën e parë.
Ballkani kaloi i pari në epërsi me golin e realizuar nga kapiteni Edvin Kuç. Ai shënoi me kokë në minutën e 17-të pas harkimit të Astrit Thaqit nga krahu i majtë.
Ndërkohë, Drita reagoi në minutën e 36-të duke barazuar rezultatin në 1:1. Golin e barazimit nga afërsia e shënoi Leonat Vitija.
Ballkani mbetet lider i Superligës me 50 pikë, dy më shumë se Drita e vendit të dytë.