Kanë mbetur edhe 20 ditë deri në fillimin e edicionit të ri në Albi Mall Superligën e Kosovës në futboll. Elita e futbollit nis saktësisht me 10 gusht.
Bazuar në lëvizjet që kanë bërë skuadrat gjatë afatit kalimtar të verës, pritet një garë shumë e nxehtë, ndërsa edhe këtë vit fjalën kryesore do ta kenë, Ballkani, Llapi e Drita.
Megjithatë, këtë herë assesi nuk duhet harruar Gjilanin që ka krijuar një skuadër shumë të fortë në krye me trajnerin Ardina Nuhiu dhe më të drejtë pritet të jetë pretendent për kreun e tabelës, shkruan Ballkani.info.
Lëvizje ka bërë edhe Prishtina, por lojtarët që ka marrë janë të panjohur për opinionin dhe vlera e tyre do të dihet tek kur zbresin në fushë, ngjashëm si edhe për trajnerin Jean-Michel Cavalli që erdhi nga Franca.
Joshëse pritet të jetë edhe Dukagjini me trajnerin Ismet Munishi, ndërsa befasia më e madhe mund të vije nga FC Suhareka, një skuadër që sivjet u inkuadruar në ligë, por duket se do të jetë pretendent i madh për kreun e tabelës.
Stabile këtë vit pritet të jetë Malisheva, ndërsa vështirësitë më të mëdha mund t’i kenë Feronikelin por edhe Ferizajn skuadër kjo që nuk ka bërë lëvizje bombastike deri tash. /Ballkani.info