Manchester United, për herë të parë ka bërë publike pamjet e stadiumit të ri që do jetë larg “Old Trafford”. Stadiumi që do ndërtohet në një vend të ri do ketë 100 mijë ulëse dhe do kushtojë 2 miliardë euro, duke e bërë një nga më të shtrenjtët dhe me kapacitet të shumtë për tifozët, çka do sillte shtimin e të ardhurave për klubin.
Sir Norman Foster është ai që ka hartuar projektin. Teksa zbuloi pamjet e para të planeve të tyre, Burnham foli gjithashtu edhe për ambiciet rreth ndërtimit të stadiumit të ri.
“Kjo do të jetë vendndodhja më e rëndësishme në futboll. Kjo do të thotë se veriperëndimi i Anglisë ka infrastrukturën më të mirë në planet sa i përket botës së futbollit. Kjo do të krijonte një zhvillim në perëndim të Manchesterit të madh duke balancuar atë që ka krijuar Manchester City në lindje”, ka thënë Burnham.
Nëse më herët u fol se “Old Trafford” do shembej për këtë projekt, plani ndryshoi dhe Man. United do ketë një stadium të ri, me ikonikun “Teatri i Endrrave” që do përdoret nga ekipi i vajzave dhe Akademia.
Ende nuk ka një datë për fillimin e punimeve në stadiumin e ri, apo kohëzgjatjen e tyre.