Manchester City ka kaluar në 1/16 e finales në Kupën FA.
Skuadra e drejtuar nga Pep Guardiola eliminoi me lehtësi Chelsean nga kjo garë, vetëm tri ditë pasi e mposhti edhe në Premierligë.
Ndeshja e zhvilluar këtë të diel në “Etihad Stadium” përfundoi me rezultatin 4:0.
“Qytetarët” e kryen punën e tyre qysh në pjesën e parë, të cilën e mbyllën me tri gola epërsi.
Riyad Mahrez e hapi serinë e golave në minutën e 23-të, kurse Julian Alvares shënoi nga pika e penalltisë pas shtatë minutash. Phil Foden në minutën e 38-të e thelloi epërsinë e vendasve.
Mahrez shënoi edhe njëherë në pjesën e dytë për të vulosur fitoren. Algjeriani u tregua i saktë nga penalltia në minutën e 85-të.
Kundërshtari i radhës i Manchester City do të mësohet pas tërheqjes së shortit.