Më shumë se 350,000 njerëz kanë nënshkruar një peticion për një ripërsëritje të ndeshjes çerekfinale të Kampionatit Evropian në Gjermani midis nikoqirëve dhe Spanjës, e cila përfundoi me fitore dhe Furia e Kuqe kaloi në gjysmëfinale.
Pakënaqësia e tifozëve gjermanë kulmoi pas penalltisë së pavendosur në minutën e 107-të të ndeshjes kur Marc Cucurella luajti me dorë në zonën e tij të rreptësisë, shkruan Ballkani.info.
“Tifozët e pakënaqur gjermanë kërkojnë rikthimin e ndeshjes sepse besojnë se kombëtares së tyre i është bërë e padrejtë. Rreth 350 mijë persona kanë nënshkruar një peticion për rikthimin e ndeshjes”, shkruajnë mediat e huaja.
Gjyqtari anglez Anthony Taylor nuk e vendosi për penallti pas prekjes me dorë të Cucurella-s dhe nuk u aktivizua as dhoma e VAR-it.
Kreu i arbitrave të UEFA-s, Roebrto Rosetti, tha pas ndeshjes se dora e përfaqësuesit spanjoll ishte në pozicion natyral dhe se vendimi ishte i saktë.
Peticioni do të jetë i kotë, gjermanët i dhanë lamtumirën Euros dhe spanjollët do të luajnë të martën në gjysmëfinale me Francën. /Ballkani.info/