Francesco Totti i dha fund martesës me Ilary Blasin dhe tashmë prej muajsh është në një lidhje me Noemi Bocchin.
Së fundi mediat italiane kanë raportuar se çifti Totti-Bocchi kanë udhëtuar shumë shpesh së bashku në Shqipëri dhe Durrësi e Tirana kanë qenë destinacionet e tyre.
Shkak i këtyre udhëtimeve ka qenë agjenda e legjendës së Romës, që sipas mediave italiane është përfshirë si investitor në një projekt imobiliar shumë të përfolur dhe jo me pak rreziqe, në Shqipëri.
Pikërisht për këtë arsye, Tottit i është dashur të fluturojë shpesh drejt Shqipërisë dhe thuajse gjithmonë është shoqëruar nga Noemi.