Federata e Futbollit e Kosovës sot ka konfirmuar në krye të kombëtares A, trajnerin slloven Primoz Gliha. Ai është i njohur për opinion, derisa drejtoj në dy ndeshje Kombëtaren A.
Mediat në sllovene kanë raportuar këtë lajm derisa Glihan e cilësojnë si një trajner të mirë.
“Ish-futbollisti slloven Primoz Gliha është trajneri i ri i Kombëtares së Kosovës. Sipas faqes së Federatës së Kosovës, 55-vjeçari slloven është miratuar nga komiteti ekzekutiv. Si trajner i përkohshëm, Gliha tashmë ka drejtuar Kosovën në dy ndeshje para ardhjes së trajnerit të kaluar, Alain Giress.
Gliha, i cili ndryshoi shumë klube si lojtar, luajti në Slloveni, Kroaci, Japoni, Hungari, Austri, Izrael dhe Francë, punoi si trajner në Olimpija, Drava, Mura, Gorica, Koper dhe drejtoi Slloveninë nën 19 dhe 21 vjeç”, ka shkruar Siol.net.
Gliha do ta drejtojë Kosovën në ndeshjet e mbetura në eliminatoret për Kampionatin Evropian dhe varësisht nga përformanca e tij, ai mund të vazhdojë të mbetet në krye të Kosovës.