Augsburg ka barazuar me Leipzig, me rezultat 3-3, në kuadër të xhiros së 11-të në Bundesliga.
Golin e parë në ndeshje e ka shënuar Mërgim Berisha, në minutën e 34′, derisa me këtë rezultat përfundoi pjesa e parë.
Në pjesën e dytë, Ermedin Demiroviq, e dyfishoi epërsinë, në minutën e 51′, pas një asistimi nga Berisha.
Në minutën e 64′, Ruben Vargas e shënoi golin e tretë, pas një asistimi tjetër nga Berisha.
Por për skuadrën vendase gjithçka ndryshoi rrjedhën e lojës, pasi Iago u ndëshkua me karton të kuq.
Fillimisht Andre Silva, në minutën e 73′, e ngushtoi epërsinë, derisa Christopher Nkunku, në minutën e 89′, e shënoi golin e dytë për mysafirët.
Derisa kur mendohej se ndeshja po përfundonte, Novoa Ramos, u përkujdes që ta barazonte rezultatin në minutën e 90′.
Augsburg, pas barazimit kalon në vendin e 12-të me 14 pikë, derisa Leipzig, renditet në vendin e 9-të me 16 sosh.